OBRADOIROS DE NADAL NA BIBLIOTECA

FACENDO ADORNOS DE NADAL NA BIBLIOTECA

Durante todo o mes de Nadal desenvolveranse na biblioteca uns obradoiros de elaboración de adornos de Nadal feitos con material de refugallo.

Os obradoiros organízanos as mestras Belén e Ana.

Están enmarcados dentro das actividades de Voz Natura e na idea, de facer da Biblioteca un espazo Maker e centro da vida do noso cole.

Estamos encantados coa acollida e cos resultados!!

Moitas grazas a todos/as.

INTERCAMBIO DE ADORNOS DE NADAL

INTERCAMBIO DE ADORNOS DE NADAL de Mero Mero

IMOS AO MAGOSTO

SAMAÍN CO PRINCIPIÑO

Mero tamén está a ler O Principiño, e tanto lle está a gustar, que este ano gustaríalle que as cabazas estiveran adornadas con algo relacionado con el.

E velaquí está o resultado... IMPRESIONANTE.

Moitas grazas a todolos rapaces e rapazas e as súas familias.

NO OUTONO VENDIMIAMOS

Chegou o outono e a primeria festa que celebramos no cole é a vendimia. As familias aportan as uvas e os nenos e nenas son os encargados de pisalas, estruxalas,...e probar o mosto entre amigos.

A NOSA PRIMEIRA COLLEITA

Pois despois do verán os nenos e nenas de 2ºA fumos recoller a nosa primeria colleita. Dentro de pouco tamén teremos uns tomates maduriños, e xa podemos facer unha ensalada.

INICIAMOS UN NOVO PROXECTO CO PRINCIPIÑO.

AS MEIGAS DE 1º INVESTIGAN SOBRE AS PLANTAS

Os nenos e nenas de 1ºB, xunto co resto dos seus compañeiros/as, como bos bruxos e bruxas estiveron investigando sobre as plantas.
Aquí tedes unha mostra do traballo realizado.

Escoitame

APRENDEMOS A CREAR CON FLORES

Os nenos e nenas de primeiro xa van preparándose para a feira medieval do cole. Nós somos bruxos e bruxas, xente que sabía moito sobre plantas.
As plantas serven para moitas cousas, unha delas é para adornar.
Así que buscamos na nosa comunidade alguén que nos puidera ensinar, e atopamos a Fina, avoa dunha compañeira do cole, que veu as nosas aulas aprendernos cousiñas e trucos para conservar as flores e que nos aprendeu a facer broches de semprevivas... esperamos facer un bo traballo.

EXPOSICIÓN MEDIEVALES EN VOZ NATURA

Esta fin de semana foi a festa de Voz Natura en Culleredo. Tódolos centros que participamos levamos alí unha mostra do traballo realizado durante este curso.

O equipo de A horta de Mero preparou un stand onde recollimos os diferentes traballos que se elaboraron relacionados coa Idade Media, xa que este era a PDI do centro: maquetas de castelos, hórreos, vivendas, vehículos medievais, tinta medieval, prantas medicinais, vermes de seda, calendario agrícola medieval,...

Aquí vos deixamos unha mostra, e no próximo curso volveremos a estar, xa que o noso centro foi novamente seleccionado para participar no proxecto Voz Natura.

II INTERCAMBIO DE SEMENTES

Pois xa imos coa segunda edición desta convocatoria, onde Mero lles pide aos nenos e nenas do cole que traian flores e plantas da súa casa para cambialas por outras doutros compañeiros/as.
Este ano había moitísimas flores...moitas grazas a todos/as.

NENOS E NENAS DE 2º A PLANTAN LANDRAS

Os nenos e as nenas da clase de Nuria plantaron landras, agora toca a esperar que medre o carballo!

CELEBRANDO OS MAIOS

Coa chegada do maio recordamos esta celebración tan ancestral.

As propias organizacións culturais de Betanzos tratan de recuperar esta festa coa axuda dos máis novos facendo pasarrúas, cantando e lanzando flores.

No centro tamén queremos recuperar esta tradición. No centro de Educación Infantil o fixeron da maneira tradicional, cun maio cheo de flores traídas polo seu alumnado.

No centro de primaria quixemos facer unha versión máis ecolóxica, a proposta era que o alumnado trouxera flores feitas con material de refugallo. Os materias empregados foron do máis variado: caixas de ovos, botellas, papeís de xornais, restos de papeis de cores,...

E este é o resultado. Moitas grazas a todos e todas.

PLANTAMOS NA HORTA MEDIEVAL

Os nenos e nenas de 1ºA seguimos plantando na nosa horta medieval e aprendendo sobre as plantas coas que estamos traballando.

Como vos bruxos e bruxas aprendemos sobre as plantas e as súas propiedades. Aprendimos sobre o tomiño, que é un antibiótico natural. Podemos tomalo en infusión ou en sopa.

Plantamos na horta cebolas e chalotas, hortalizas que se cultivaban na época medieval.

 Tamén aproveitamos para quitar as malas herbas dos demais bancais.

O COMPOSTEIRO

O noso composteiro xa está case listo, moitas grazas a todos e todas por separar nas aulas os restos das merendas e despois levalas ata o composteiro. Agora só nos queda esperar a que a natureza siga o seu curso.

Estaremos pendientes para controlar os niveis de humidade e para voltear de cando en vez o composto.

PLANTAMOS LANDRAS

Os nenos e nenas de 2ºB estivemos plantando landras.

Cando as recollimos puidemos observar perfectamente como ían agromando o talo e as raíces por primeira vez...impresionante. Moito mellor que nas fotos dos libros.

NOVIDADES SOBRE NATUREZA

Mirade cantas novidades sobre Natureza nos trouxo Mero á Biblioteca. Buscade no expositor de novidades da Biblioteca, son preciosos!

BOTES SOLIDARIOS

O alumando de 6ºA estivo traballando arreo cuns botes... pero mellor que nolo expliquen eles.

Quen se suma a esta proposta? animádevos e mandádeme as fotos dos vosos botes.
Grazas rapaces e rapazas de 6º por esta iniciativa

PLANTANDO NA HORTA

Os nenos e nenas de 2ºC estivemos plantando na horta. Primeiro investigamos cales poderiamos plantar que fosen da época medieval e que nós puidesemos ver medrar. Unha vez tomada a decisión, aquí estamos plantando as nosas leitugas.

SEMENTANDO PARA A HORTA

Os nenos e nenas de 1ºA estivemos preparándo as prantas para a nosa horta.
Investigamos cales eran as hortalizas que había na época medieval e tamén cales eran as prantas que as bruxas empregaban para as súas pocemas.

Así sementamos perexil, pemento, leituga e acelga. Trouxemos uns vasos de iogur, fixémoslles un buratiño no fondo e agora os temos na clase para velos medrar pouco a pouc. Cando estean un pouco grandes os levaremos para a horta.



Sementando para a horta medieval. on PhotoPeach

COMÉNDONOS O ENTROIDO.

Un ano máis e grazas a colaboración das familias puidemos celebrar o entroido comendo filloas.

Sabiades que xa se degustaban antes da idade media? Pois sí, que daquela xa sabían divertirse.

E este ano nós non quixemos faltar a cita. Moitas grazas as familias de 1º, 2º e 3º de Primaria por facelo posible.

E como mostra de agradecemento as pandereteiras do cole cantáronlles unhas cancionciñas que están aprendendo.

Rincón verde de lectura

Mero creo xunto co seu amigo Leo un rincón verde de lectura, onde podedes localizar libros para descubrir a natureza e aprender a coidala mellor.

Inauguramos este rincón cunha selección de libros a estrear, as aventuras  do raposo Rufo, que nos vaia ensinar a coidar a horta, coñecer os bichiños da horta e aproveitar os seus froitos para facer saborosas receitas.

Mero e Leo esperan que vos gusten estes contiños.

ESTREAMOS UNHA NOVA HORTA

Parece que Mero tamén escribiu a súa carta aos Reis Magos e recibiu un gran agasallo, unha horta nova para todos os nenos e nenas do Vales.

Unha horta cun toque rústico e medieval, xa que este curso o centro está inmerso no PDi MediaVales.
Oito bancais para que unha ou varias clases poidan traballar ao mesmo tempo.

Agora toca investigar sobre as hortalizas desa época e poñerse mans á obra. A verdade é que dan ganas de ir a plantar xa.

a horta antes

a horta agora

      Temos que agradecerlle ao concello que fixese chegar esa carta aos Reis para que o seu soño se fixese realidade. Moitas grazas.