OS MAIOS EN BETANZOS

"Os Maios" en Betanzos

No ano 2009 recuperáronse "Os Maios" en Betanzos.
O alumnado da Escola Municipal de Folclore (EMuF), xúntase desde ese ano para cantar os maios o día 1 de maio, nunha das feiras máis importantes de Betanzos. O Vales tamén os acompañou algún ano.
Hoxe, non imos a sair con nosos arcos todos cheos de flores, debido á situación que estamos a vivir.
Dende a EMuF  quixeron ter este recordo neste día tan especial para toda a nosa xente de Betanzos e de fora de Betanzos. Se pinchades na foto poderedes ver un fermoso vídeo.

Feliz día dos Maios 

II

Este noso maio é o mes das flores

cando os paxariños cantan ledos os seus amores (tres)

Velo aí ven o maio por detrás de San Francisco

velo aí ven o maio cargadiño de trovisco

Velo aí ven o maio por detrás de San Francisco.

Dúrmete miña neniña que os paxariños calaron

despertaranche as rosiñas, rosiñas do noso maio

rosiñas do noso maio, aila lelo aila lala lala

Levántate maio que tanto durmiche

que pasou abril e ti non o viche (tres)

Velo aí ven o maio por detrás de San Francisco

velo aí ven o maio cargadiño de trovisco

Velo aí ven o maio por detrás de San Francisco