PUNTO LIMPO NO COLE

 Esta semana tivemos un punto limpo móbil no noso centro. Escoitamos e preguntamos as dúbidas que tiñamos sobre a separación de residuos, observamos que se poden separar máis que nos contenedores que temos polas rúas, aprendimos sobre algúns residuos que deben ir a puntos limpos especiais como os aerosois ou os medicamentos (ainda que estean baleiros).

Separando no punto limpo. de Mero Mero

5 DE XUÑO: DÍA DO MEDIOAMBIENTE

Nestes últimos anos vimos celebrando esta data tan sinalada compartindo. Trouxemos plantas e as intercambiamos coas de outros compañeiros e compañeiras. Todos quedamos moi contentos e contentas coas novas plantas que habemos de coidar con agarimo.

DÍA DO MEDIOAMBIENTE 5 DE XUÑO de M Belen Vazquez Freire

AS NOSAS RÁS XA VIVEN NO PASATEMPO

 Os pequenos e pequenas de Infantil estiveron coidando as rás na aula pero agora xa van grandes e chegou o momento de ceibalas, para que vivan as súas propias aventuras.

Agardo que o pasaran moi ben e aprenderan moito.

PREPARÁNDONOS PARA O DÍA DO MEDIO AMBIENTE

 O meu amigo Leo e o seu equipo da Biblioteca xa teñen un rincón preparado cunha selección de libros para disfrutar e aprender a coidar do medio que nos rodea.

Animádevos a pasar pola biblio e mergullarvos neste mar de posibilidades!

ENTRE PAXAROS E SEMENTES

Os  nenos e nenas de 2ºA estiveron facendo limpeza no invernadoiro e atoparon un comedeiro de paxaros.

O colocaron xa nunha árbore que poden observar dende a fiestra da clase.

Cantos paxariños verán? 

Ademais unha das súas compañeiras, Marta, trouxo sementes da casa para compartir: cabello de anxo, cabaza grande e pequena, xirasol,.. en vasos de iogur estiveron sementando e agora toca esperar.

Moito tardan en saír!

 

RADIO VOZ CON MERO E O SEU EQUIPO

 Onte pola mañá Radio Voz achegouse ao noso centro para facernos unha entrevista. 

Sabela, Abel e Álvaro, como representantes do alumnado de 6ºA, que tanto traballou na horta este ano, así como a coordinadora do proxecto Belén Vázquez, contaron brevemente como é o seu proxecto, para que serve,...

Pero moito mellor escoitalos a eles.

INVESTIGAMOS